Jaloliddin Manguberdi poyezdi
O‘zbekiston temir yo‘llari (O‘TY) Toshkent va Xiva o‘rtasida Jaloliddin Manguberdi tezyurar poyezdini rasman yo‘lga qo‘ydi. Bu haqda kompaniya matbuot xizmati xabar berdi.
5-may kuni ertalab Toshkent-Markaziy (Shimoliy) vokzalida ushbu harakatni ishga tushirish marosimi bo‘lib o‘tdi. Unda O‘TY rahbarining birinchi o‘rinbosari Hikmatulla Raxmetov, Janubiy Koreyaning O‘zbekistondagi elchisi Von Do-Yon, shuningdek, ishlab chiqaruvchi — Hyundai Rotem delegatsiyasi ishtirok etdi.
Poyezdlar quyidagi jadval asosida qatnaydi:
- Toshkentdan jo‘nash — 7:00, Xivaga yetib borish — 14:31 (seshanba, payshanba, shanba);
- Xivadan jo‘nash — 7:20, Toshkentga yetib borish — 14:51 (chorshanba, juma, yakshanba).
